„Марка“ објави кого ќе жртвува Реал Мадрид за да го купи Нико Вилијамс

21 мај 2025 - 17:08

Шпанскиот медиум „Марка“ пишува дека Реал Мадрид ќе го купи Нико Вилијамс од Атлетик Билбао, меѓутоа „кралевите“ ќе мора да жртвуваат еден од своите фудбалери, Родриго, за да се реализира трансферот.

„Кралскиот клуб“ е подготвен да ја плати откупната клаузула од 58 милиони евра која ја има Вилијамс во договорот со Атлетик Билбао, а со оглед на тоа дека веќе ангажира неколку фудбалери, значително ќе биде оптоварен буџетот, па мора претседателот Флорентино Перез да го продаде Родриго.

Родриго и минатото лето беше пред заминување од „Сантијаго Бернабеу“, откако за неговите услуги покажаа интерес неколку тимови, меѓу кои беа Манчестер сити и Челси, а токму тие премиерлигаши и летово ќе се обидат да го купат Бразилецот.

Бразилскиот фудбалер оваа сезона настапи на 50 натпревари за „кралевите“, а притоа постигна 13 голови и 10 асистенции во сите натпреварувања.