Леао го одведе Милан на врвот во Серија А (ВИДЕО)

19 октомври 2025 - 22:43

Екипата на Милан славеше победа во рамките од седмото коло во Серија А откако денес на свој терен ја совладаа Фиорентина со 2-1.

Во првото полувреме речиси и да не видовме ништо, немаше ниту еден удар во рамките од голот, па така и остана почетниот резултат. Први до водство дојдоа гостите кога Робин Госенс во 55. минута се снајде во мешаницата во петерецот и ја погоди мрежата. Милан брзо се врати и преку Леао во 63. минута израмни на 1-1.

Одлучувачкиот момент се случи во 86. минута кога Милан доби пенал, а Леао го постигна својот втор гол на натпреварот.

Со овој триумф Милан со 16 бода се искачи на врвот во Серија А, пред Интер, Наполи и Рома кои имааат бод помалку. Фиорентина е на 18-тата позиција со само три бода и без ниту еден триумф од стартот на сезоната.