Кејн одговори на гласините кои го поврзуваат со враќање во Тотнем

16 октомври 2025 - 10:39

Од Англија излегоа шпекулации кои велат дека Тотнем подготвува мега понуда за да го врати Хари Кејн во Премиер лигата, но тоа веројатно нема да се случи.

Хари Кејн уште еднаш потенцираше дека е многу среќен во Баерн Минхен и сега размислува само за настапите во германскиот гигант.

„Не сум сигурен дека ќе се вратам. Многу сум среќен во Минхен. Па враќање не е нешто за кое размислувам. Целиот мој живот го поминав во Тотнем и секогаш тие за мене ќе бидат „ние“. Јас сум нивни фан и секогаш ќе ги следам. Секогаш ќе бидат дел од мојот живот, но сега сум тука во Минхен и ми се допаѓа“, вели Кејн.

„Беше убаво да се види победата на Тотнем во Лига Европа. Имам многу пријатели таму и меѓу играчите и меѓу персоналот. Долго чекавме во минатото, па ова беше важно за сите, за навивачите, клубот и сите кои се вклучени. Се надевам дека ќе продолжат да победуваат“.