Историја во Франција: Стразбур стана прв тим во кој сите стартери се родени во новиот милениум

17 август 2025 - 18:22

Францускиот прволигаш Стразбур денеска се запиша во историјата на светскиот фудбал и тоа на мечот од првото коло во домашното првенство против Мец.

Стразбур стана првиот тим во кој сите стартери се родени во новиот милениум, односно од 2000 година. Да биде уште поинтересно, највозрасниот играч на овој тим на дуелот со Мец беше Емануел Емега, роден на 3 февруари 2003 година што значи дека сите фудбалери се на возраст од 22 години и помлади.

Нд 90% од фудбалерите на Стразбур навистина се родени во овој период, исклучок се третиот голман Карл Јохан Јонсон кој има 35 и левиот бел Едуард Собол кој има 30 години. Двајцата денеска се на клупата за резервни играчи.