Хаверц синоќа испиша нова историја во Бундеслигата
Стрелец на единствениот гол за „фармацевтите“ беше Каи Хаверц во 54-тата минута. Германскиот репрезентативец со 21 година стана најмладиот фудбалер во историјата на Бундеслигата што стигнал до 35 голови.
Сезонава тој има постигнато 11 голови и пет асистенции на 26 натпревари во Бундеслигата.
Воопшто не е случајно што голем број на европски клубови меѓу кои и Реал Мадрид, Барселона, Ливерпул, Манчестер јунајтед и Баерн Минхен се заинтересирани за фудбалерот од средниот ред. Тој во договорот со Леверкузен има откупна клаузула од 100 милиони евра.