Ѓокереш сè уште не заиграл, а веќе урна рекорд во Арсенал

30 јули 2025 - 20:53

Англискиот вицешампион Арсенал се засили со шведскиот напаѓач Виктор Ѓокереш и предизвика голема еуфорија кај навивачите.

Напаѓачот го избра дресот со број 14, кој веднаш почна да се продава и за неколку дена беше поставен рекорд во продажба на дресови.

Арсенал на навивачите им понуди бесплатно печатење на името на Ѓокереш на дресовите, а тоа се покажа како одличен потег и навивачите во рекорден број го купуваа.

Швеѓанецот доаѓа во одлична форма во Лондон, откако претходно постигна 97 голови на 102 настапи за Спортинг Лисабон.

Фото: Facebook/Fabrizio Romano