ПСЖ нема да одигра ниту еден контролен меч пред Суперкупот на УЕФА

31 јули 2025 - 15:33

Францускиот и европски шампион ПСЖ ќе се соочи против Тотнем во Суперкупот на УЕФА кој е закажан за 13 август, но интересно е тоа што екипата на Луис Енрике нема да одигра ниту еден пријателски меч.

Парижаните неодамна играа на Светското клупско првенство, каде што во финалето беа поразени од Челси, а набрзо ќе има нова шанса да освојат пехар, меѓутоа нема да играат дуели.

Шпанскиот стратег реши да почне со подготовки за мечот против Тотнем на 6 август, а по само една недела ќе се бори за титулата.

Фото: Facebook/PSG - Paris Saint-Germain