Црвена Звезда подготвува нова „бомба“ по потписот со Арнаутовиќ

31 јули 2025 - 13:47

Српскиот шампион Црвена Звезда продолжува со звучните засилувања за новата сезона, откако неодамна го промовира австрискиот репрезентативец Марко Арнаутовиќ, а сега би можел да пристигне Душан Тадиќ.

Поранешниот капитен на српската реперзентација е на чекор да стави потпис со гигантот од Белград, пишуваат српските медиуми.

Ц. Звезда во преговорите ги користи сите достапни средства со цел да постигне договор во најкраток можен рок и да го промовира пред следните предизвици.

Тадиќ доколку пристигне во Белград, ќе стане најплатен фудбалер во историјата на клубот и ќе заработува три милиони евра по сезона.

Фото: EPA PHOTO