Георгина откри уште колку ќе игра Роналдо (ВИДЕО)

03 март 2024 - 12:48

Девојката на Кристијано Роналдо, Георгина Родригез учествува на модна недела во Париз, а во еден разговор, камерите ја фатија како зборува за иднината на својот партнер.

Јасно е дека португалскиот ас се наоѓа на залезот на својата кариера, има 39 години, но веројатно ќе го гледаме уште извесен период на терените.

„Кристијано уште една година, потоа е готово. Можеби две, не знам“, вели Георгина.

Летово Роналдо ќе го игра своето шесто европско првенство во кариерата, а одамна е познато дека сака кариерата да ја заврши на Мундијалот во 2026 година.