Јасмин Мециновиќ ја засили одбраната на Работнички

01 јули 2025 - 21:08

Пред настапите од квалификациите во Конференциската лига, Работнички го објави и потписот со одбрамбениот фудбалер Јасмин Мециновиќ кој во тимот од Дебар Маало доаѓа од Вардар.

34-годишниот фудбалер не се изнаигра многу во Вардар, па мораше да ја промени средината за да добие повеќе минути. Нов клуб на Мециновиќ е Работнички.

Мециновиќ е играч со големо искуство во македонскиот фудбал, досега го носеше дресот на Скопје, Пелистер, Струга, Турново, Ренова, Македонија ЃП, Беса и Вардар, а промени и неколку клубови во странство.