Баер Леверкузен го замени Тен Хаг со поранешниот селектор на Данска

08 септември 2025 - 14:48

Холанѓанецот Ерик Тен Хаг разочара на кормилото на Баер Леверкузен, по што беше отпуштен на самиот старт на сезоната, а поранешниот германски шампион веднаш најде негова замена.

Новинарот Фабрицио Романо објави дека бившиот дански селектор, Каспер Хјулманд го презема кормилото на „фармацевтите“.

Договорот меѓу двете страни бил потпишан, а Хјулманд нема долго време да се запознае со фудбалерите, зашто првиот тренинг му е закажан за 48 часа, а потоа следи меч в петок.

Хјулманд ја тренираше Данска во период од 2020 до 2024 година, а претходно работеше во Мајнц, но и неколку дански екипи.

Фото: Facebook/Fabrizio Romano