Станиќ: Италија игра на врвно ниво, мора да бидеме многу внимателни!

Селекторот Горан Станиќ очекува поинаков натпревар од тој во Краков против Полска и посочи дека сакаат позитивен резултат против Италија.

„Полска е зад нас, ги воочивме грешките и ќе се потрудиме да не се повторат утре против Италија. Имавме и низа позитивни работи од мечот во Краков. Бевме речиси егал во посед на топка, ни недостасуваше последно додавање и завршница, а головите ги примивме наивно. Еден автогол, вториот од сомнителна ситуација за офсајд и последниот по индивидуална грешка. Резултатот не е мерило за играта. Фудбалерите се подготвени за Италија. Анализиравме и планот за мечот е направен. Италија е многу поразлична репрезентација од Полска. Играат различен систем, тактички се на врвно ниво, имаат брзи крила и треба да бидеме многу внимателни “, изјави селекторот.

Фото: ФФМ