Вардар претстави уште четири нови играчи пред стартот на Втората лига

14 август 2022 - 13:50

Фудбалскиот клуб Вардар денеска промовираше четворица нови играчи, кои треба да бидат засилувања за нашиот најтрофеен клуб во битката за кам-бек во елитата. 

Втората лига не започна овој викенд како што беше предвидено, а „црвено-црните“ одиграа контрола со Локомотива. Тренерот Бобан Грнчаров доби засилувања во одбраната. Нови членови на поранешниот шампион се Јорго Папули (21), кој доаѓа од романска Стеауа и игра во одбраната.

Потоа нови играчи се и голманот Бобан Целески, кој доаѓа од ФК Скопје, потоа Христијан Вецески, кој игра и во одбрана и во средниот ред, а доаѓа од Пелистер, додека Матеј Николов му се приклучува на Вардар, како слободен играч и треба да ја засили левата бековска позиција.