Турскиот гигант Фенербахче денеска ја купува штипска Брегалница!

04 јули 2025 - 10:38

Турскиот фудбалски гигант Фенербахче се очекува денеска и официјално да стане сопственик на Брегалница Штип, клуб кој моментално се натпреварува во Втората лига.

Според информациите на телевизијата М Нет (види ТУКА), новиот инвеститор ќе презеде мнозински удел во клубот, додека Општина Штип ќе задржи 15-отсто од акциите во друштвото. Преостанатите 85-отсто се откупени за вкупна сума од 300.000 евра, која на еднакви делови (по 150.000 евра) се исплатени на општината и на досегашниот сопственик, Кирил Гогов.

Договорот предвидува обврска Брегалница да продолжи со настапи во Првата или Втората лига, а во случај клубот да испадне во Трета лига, уделот што моментално го поседува турскиот инвеститор ќе премине во сопственост на Општина Штип.