Познат е распоредот: Пелистер си закажа пет пријателски натпревари (ФОТО)

08 јули 2025 - 13:45

Македонскиот прволигаш Пелистер потврди дека во следниот период ќе одигра пет пријателски натпревари во рамки на подготовките за новата сезона во Првата лига.

Пелистер под водство на тренерот Димитар Капинковски најпрво ќе се соочи против поранешниот шампион Струга ТЛ на 12 јули во Битола, а една недела подоцна следи пресметка против Трајал од Крушевац.

На 22 јули се игра мечот меѓу Пелистер и Македонија ЃП, по што во Битола ќе гостува Охрид на 26 јули, додека последниот натпревар е закажан против грчки Егалео на 29 јули во Охрид.

Фото: ФК.Пелистер Битола