Уапсен е претседателот на Фудбалската федерација на Косово

Косовските медиуми јавуваат дека полицијата го уапсила претседателот на Фудбалската федерација на Косово, Агим Адеми.

Адеми бил уапсен и четири часа испрашуван во полициска станица. Причините за апсењето на првиот човек на косовскиот фудбале се сѐ уште непознати.

Во последните две-три години во косовските медиуми имаше информации дека Фудбалската федерација на Косово е под истрага од обвинителството за злоупотреба на средства и даночно затајување.

Апсењето доаѓа на четири дена пред мечот меѓу Косово и Израел во рамките од квалификациите за ЕП 2024.