Катастрофа во Стокхолм: Руне доживеа тешка повреда (ВИДЕО)

18 октомври 2025 - 17:27

Данскиот тенисер Холгер Руне мораше поради повреда да го предаде мечот со Иго Имбер во рамките на АТП турнирот во Стокхолм.

Тој ги имаше сите услови да дојде до победата, водеше со 1-0 откако го доби првиот сет со 6-4, а во вториот беше 2-2, но не можеше да го доигра мечот. При една размена на удари, се пожали на болки во ногата, едвај се довлечка до својата клупа, а потоа, додека му се укажуваше лекарска помош, со рацете го покри лицето и почна да плаче.

 

 

„Почувствував како пукна Ахиловата тетива“, му рече Руне на докторот кој се обидуваше да му помогне.

Кратко потоа, младиот Данец беше изнесен од теренот, а Имбер се пласира во финалето на турнирот, каде ќе се сретне со подобриот од дуелот меѓу Шаповалов и Руд.

фото: EPA photo