Ивановски неочекувано остана без полуфинале на фјучерсот во Сетубал!

22 септември 2023 - 15:04

Најдобриот македонски тенисер, Калин Ивановски, остана без пласман во полуфиналето на турнирот од фјучерс-серијата во Сетубал, откако загуби во денешната четвртфинална пресметка против домашниот претставник, Хаиме Фариа (4-6, 4-6).

Македонецот имаше далеку полошо рангиран противник (330-482), но не успеа да го наметне својот ритам и двата сета ги загуби со по еден брејк разлика.

Ивановски претходно доби две средби на собирот во Португалија, каде што прво го совлада францускиот ривал Гејмард, а потоа беше подобар од младиот Португалец Роча.