Ѓоковиќ изненади - ќе игра во двојки во Доха со шпанска легенда

15 февруари 2025 - 08:24

Новак Ѓоковиќ ќе биде една од главните ѕвезди на АТП турнирот во Доха кој почнува в понеделник, а покрај тоа што ќе игра во сингл, изненадувачки објави дека ќе настапува и во двојки.

Партнер ќе му биде шпанскиот легендарен тенисер Фернандо Вердаско кој посакал за крај на својата кариера да заигра заедно со Ѓоковиќ и тоа официјално го потврди преку социјалните мрежи.

„По неверојатните години во АТП турот, дојде време за мојот последен турнир. Како подобро да ја завршам кариерата од дубл со мојот пријател Новак Ѓоковиќ, легенда на нашиот спорт и еден од најдобрите атлети на сите времиња. Новак, ти благодарам што веднаш ја прифати мојата молба, ќе уживам во секој момент и ќе дадам се од себе уште еднаш. Ајде да ја направиме незаборавна оваа недела“, напиша Вердаско.

Веднаш по неговата објава почнаа шпекулации дека Шпанецот во иднина ќе му биде тренер на Ѓоковиќ, но од тоа нема да има ништо.