Епски кам-бек на Надал за рекордна 21. грен слем титула
Медведев многу подобро го отвори натпреварот и ги освои првите два сета со 6-2 и 7-6. Надал следните два ги доби со идентични 6-4 и 6-4 за да израмни во сетови, а во решавачкиот славеше со 7-5.
За шпанскиот ветеран ова е вкупно втора титула во Мелбурн, а прва по 2009 година. Тој сега има 21. грен слем титула, една повеќе од своите големи ривали Роџер Федерер и Новак Ѓоковиќ.
Медведев и лани загуби во големото финале на Австралија опен од Ѓоковиќ во три сета. Русинот засега останува на една грен слем титула, освоена лани на Ју-Ес Опен.