Најдобриот скијач на сите времиња принудно ја завршува кариерата!

Осумкратниот победник на Светскиот куп, кој оваа сезона се врати на натпреварувањето по петгодишна пауза, доживеа тешка повреда за време на тренинг во Реитералм. Повредата ги вклучува и предните вкрстени лигаменти, што го става под знак прашање неговото понатамошно учество во спортот.

„Вкрстениот лигамент е целосно скинат, проектот е завршен. Повредите се дел од скијањето. Можеби конечно завршив со моето патување. За првпат од прва рака го доживувам проблемот со вкрстените лигаменти, нешто што толку многу скијачи мораа да го искусат“, изјави можеби најдобриот скијач на сите времиња.

Хиршер поради оваа повреда ќе ја пропушти целата сезона и Светското првенство, а според многумина ова ќе значи и крај на неговата професионална кариера.