Шведска нанижа уште една победа, Германија славеше по пенали
Во дербито на група Ц, Шведска беше подобра од Финска и славеше со 3-1 за трета победа на ЗОИ во групната фаза од натпреварување. Швеѓаните до првиот гол стигнаа по 15 минути игра преку Ландер, а веднаш потоа Финците израмнија на 1-1, но тука беше крајот за нив, откако Швеѓаните успеаа да постигнат уште два голови и да го постават конечниот резултат (3-1).
Исто така во група Ц, Германија беше подобра од Норвешка по пенали и победи со 2-1. Немаше голови во првата третина, а Германците стигнаа до водство во 13. минута од втората третина во ситуација, кога имаа играч повеќе. Норвешка стигна до израмнување по пет минути игра во последната третина, а откако немаше голови во продолженијата, во пенал серијата Германците ја затресоа противничката мрежа дури три пати додека Норвежаните не погодија ниту еден пенал.
Претходно Чешка во група А ја победи Швајцарија со 4-1, а до втора победа во групата стигна Канада, која беше подобра од Јужан Кореја со 4-0.