Алексовска е во финале, Македонија обезбеди уште еден медал на ЕП во ММА!

21 февруари 2025 - 11:38

Даниела Алексовска ја доби полуфиналната битка против Израелката Рути Розмарин и се пласираше во финалето на Европското првенство во ММА кое се одржува во Белград.

Алексовска мечот го доби на поени, Македонката доминираше во текот на сите три рунди и убедливо ја совлада израелската противничка.

За финалето Алексовска ќе се бори против противничка од Украина. Мечот е во сабота од 18:20 часот.

Претходно на ова ММА Европско првенство, златен медал освои Марко Трајановски.