Дарио Ивановски и официјално ќе настапи на ЛОИ 2024

07 јули 2024 - 15:57

Најдобриот македонски атлетичар Дарио Ивановски и официјално ќе настапи на Летните олимписки игри (ЛОИ) во Париз, откако организаторот ги објави учесниците на трката.

По истекувањето на рокот за пласман, следуваше неделата во која пласираните требаше да го потврдат своето учество, а Организаторот објави дека во дисциплината маратон се откажаа двајца атлетичари, па вкупната бројка ќе изнесува 82 маратонци.