Вардар подобар од Мура во првата контролка, капитенот Мицевски се врати на терените

15 јули 2024 - 20:19

Екипата на Вардар славеше победа во првиот подготвителен натпревар за новата сезона против екипата на Мура од Словенија со резултат 2:0.

Вардарци до победата стигнаа со по еден гол во двете полувремиња. Во првиот дел стрелаше Горјан Цветков, а по само четири минути игра во второто полувреме во листата на стрелци се запиша Давид Велковски.

За издвојување од овој натпревар е и враќањето на Дарко Мицевски на терените по паузата од неколку месеци поради повреда.

Вардар за два дена ќе одигра нов пријателски натпревар со екипата на НК Бистрица, додека на 20-ти црвено-црните ќе се сретнат и со НК Чарда Мартјанци, а потоа следат натпреварите со Динамо Загреб три дена подоцна и Свонси на 27. јули.