Унгарија даде голем отпор, но загуби од Франција

25 јули 2024 - 20:55

Француските ракометарки тргнаа со триумф на Олимписките игри во Париз, откако вечерва ја совладаа Унгарија со 31-28.

Унгарија се покажа како незгоден противник и уште на стартот поведе со 6-2, но потоа Франција влезе во ритам и израмни на 8-8, а до крајот на првите 30 минути стигна до 15-12.

Франција и во вториот дел се мачеше против Унгарија, која неколку пати намали на еден гол негатива, но на крајот победата им припадна на Французинките.

Најефикасна во победничкиот тим беше Естел Нзе Минко со шест погодоци додека Паулета Фопа постигна пет гола.

Во групата Б по два бода имаат Франција, Холандија и Бразил, додека без бодови се Ангола, Унгарија и Шпанија.