Франција го доби дербито против Норвешка

10 декември 2023 - 22:27

Француските ракометарки беа подобри од Норвешка со 24-23 во дербито од групата 2, откако уште претходно двете репрезентации обезбедија пласман во четвртфинале на Светското првенство (СП).

Норвешка го отвори мечот со 3-0, а полека водството се топеше како изминуваше времето и набрзо Франција стигна до првиот пресврт (8-7). Сепак, на полувреме двете селекции заминаа со нерешен резултат (12-12).

Франција имаше подобар почеток на вториот дел и предност од 17-14, но Норвешка не се откажуваше и направи пресврт (22-21), меѓутоа во финишот подобри беа Французинките кои триумфираа со 24-23.

Нзе Минко постигна шест гола за Франција, додека по четири за Норвешка запишаа Морк и Ингштад.