Ракометарите веднаш се фатија за работа во Загреб (ФОТО)

11 јануари 2018 - 17:41

Македонската ракометна репрезентација утрово пристигна во Загреб, а попладнево веднаш се фати за работа и го одржа првиот од двата тренинзи пред саботниот старт против Словенија на Европското првенство во Хрватска.

Избраниците на Раул Гонзалез тренираа во малата сала, а утре ќе го имаат последниот официјален тренинг во загрепска Арена, каде в сабота од 19.30 часот ќе го играат првиот дуел против Словенците.

Максимално расположени, полни со желба ракометарите ги одбројуваат последните 48 часа до почетокот на ЕП на кој желба е да се стигне до висок пласман на ова континентално натпреварување.