Ракометарите ќе поделат 50.000 евра за нивниот пласман на ЕП 2026

12 мај 2025 - 07:20

Македонските ракометари ја прегазија Литванија со 26-17 и се пласираа на Европското првенство (ЕП) во 2026 година, кое ќе биде осмо учество на собирот по ред, а притоа ќе поделат и голема премија која беше ветена пред последните дуели од квалификациите.

Репрезентативците со триумфите против Естонија и Литванија ја потврдија зацртаната цел и се пласираа на големото натпреварување, а ракометарите ќе поделат три милиони денари кои ќе ги добијат за големиот успех.

Управниот одбор на Ракометната федерација на Македонија (РФМ) најпрво на 7 мај донесе одлука за доделување на парична награда од 1,5 милиони денари, а потоа на тоа се придодаде и Министерството за спорт кое вети дополнителна награда од 1,5 милиони денари.