Младинците ја растурија Јапонија во последната контрола пред СП во Полска!

16 јуни 2025 - 11:34

Младата ракометна репрезентација на Македонија ги заврши подготовките за Светското првенство и тоа со убедлива победа над Јапонија (37-27) во пријателски натпревар одигран во Варшава.

Избраниците на селекторот Раде Стојановиќ доминираа од самиот почеток и не дозволија противникот да ја загрози нивната предност. Тимот демонстрираше високо ниво на дисциплина, тактичка зрелост и добра тимска игра.

Натпреварот беше тест пред настапот на Мундијалот кој почнува задутре (18 јуни) во Катовице (Полска). Македонија ќе се натпреварува во групата со Фарските Острови, Романија и Исланд.