Пелистер се засили со пивот од Египет!

Пелистер заврши уште една шампионска сезона, а сега го крои тимот за наредната во која ќе го брани тронот. Еден од новите играчи ќе биде и Ибрахим Калес Валид.

„Задоволство ни претставува да го официјализираме нашиот нов кружен напаѓач за следната сезона. Египетскиот репрезентативец Ибрахим Калес Валид е нов член на Еурофарм Пелистер. 26-годишниот пивотмен се наметна во дресот на репрезентацијата на Египет, а во Македонија доаѓа од првакот на Турција, Бешикташ“, стои во соопштението на битолскиот клуб.

„Корпулетниот Калес Валид е висок 195 сантиметри и сезонава беше еден од најдобрите ракометари на турскиот тим во ЕХФ Европскиот Куп. Со најдобрата африканска репрезентација има постојан раст, откако влезе во кругот на националниот тим пред неколку години“.

„Официјалното претставување на Калес Валид се очекува на почетокот од подготовките за сезоната 2025/26 следниот месец во Битола“, додаваат од Пелистер.