Манасков: Играв во грч, но во вториот дел се сконцентрирав и – победивме!

13 јануари 2018 - 21:25

Дејан Манасков се изнапромашува во првото полувреме, разбранувајќи го голманот на Словенците, Матјаж Скок, но во вториот дел со осум гола беше еден од најзаслужните за големата победа на Македонија на отвотањето на Европското првенство во Хрватска.

Манасков посочи дека проблематично било отворањето на мечот, најмногу и поради лошата традиција на црвено-жолтите со Словенците.

„Првите мечеви секогаш се тешки, под голем притисок, кои се играат во грч. Знаеме каква традиција имаме со Словенија, дека се мачиме постојано и ете јас бев во тој грч во првиот дел од мечот. Не бев сконцентриран, но се консолидирав во вториот дел и ете да помогнам да оствариме голема победа вечерва“, рече Манасков.