Червар: Имаат пари за странски селектор? Нека ми го исплатат долгот!

Поранешниот хрватски селектор Лино Червар во интервју за „Индекс.хр“ даде коментар за потегот на репрезентацијата и си ги побара парите кои му ги должат.

„Сигурдсон е добар тренер и го почитувам. Немам намера да се наметнувам во нашите класични хрватски препукувања. Јас сум искусен тренер, не сум кикирики. Бев среќен кога видов колку пари ќе добие Сигурдсон. Зошто? Затоа што ова е добра шанса да ми го исплатат долгот. Ако имаат толку пари за странски тренер, тогаш очекувам да имаат и за мене. Ако не ги добијам парите, ќе барам од други, од Олимпискиот клуб или ресорното министерство за спорт. Не сум саркастичен, ова е вистина“, кажа Червар.