Хрватска живее за ракомет - билетите за полуфинале чинат мало богатство!

29 јануари 2025 - 10:29

Вчера во Загреб се одиграа две неверојатни четвртфинални средби по кои Хрватска и Франција се пласираа во полуфиналето, тие меѓусебе ќе одлучат кој ќе се бори за златниот медал.

А да се присуствува на овој меч не е воопшто евтирно. Хрватските медиуми пишуваат дека билетите за полуфиналето на црниот пазар достигнале сума од фантастични 1.500 евра.

Не се исклучува можноста до почетокот на мечот оваа сума и дополнително да се зголеми. Начинот на кој Хрватска ја совлада Унгарија само дополнително влијаеше ја подгреа ракометната треска која владее во оваа земја.

Билетите за Хрватска - Франција официјално се распродадени, па влезница може да се купи само од „тапкароши“ кои сакаат да го искористат овој меч за добро да заработат.