Кил го надигра Мелсунген во битката за трето место во Европската лига

25 мај 2025 - 16:43

Ракометарите на Кил триумфираа против Мелсунген со 37-31 во мечот за третото место во Европската лига на ЕХФ.

Првото полувреме понуди возбудлив ракомет меѓу двете екипи, а на паузата резултатот беше нерешен (18-18), по што Кил ја презема иницијативата и направи солидна разлика.

Кил му избега на Мелсунген на плус пет (27-22), по што го чуваше водството до крај на мечот и триумфира со 37-31.

Најефикасен во победничкиот состав беше Емил Мадсен со 12 голови, додека Флоријан Дростен постигна шест гола за Мелсунген.

Фото: Facebook/THW Kiel