Рома извиси во последен момент, Локатели го однесе Јуве во ЛШ (ВИДЕО)

25 мај 2025 - 23:03

Јувентус и идната сезона ќе настапува во Лигата на шампионите откако вечерва, во последното коло од Серија А ја победи Венеција со 3-2 и го освои четвртото место на табелата.

По голема борба и 2-2 до 73. минута, голот за одлука го постигна Локатели од пенал. Вп тие моменти Рома веќе водеше со 2-0 на гостувањето кај Торино и евентуален кикс на Јуве ќе значеше дека нема да се пласира во Лигата на шампионите. На крајот, сепак, им се придружи на Наполи, Интер и Аталанта кои претходно обезбедија учество во елитното европско натпреварување.

Рома не успеа да ги круниса одличните резултати последниот период и заврши на петтото место кое води во Лигата Европа, заедно со освојувачот на Купот, Болоња. Фиорентина ќе ја претставува Италија во Конференциската лига, а од Серија А испаѓаат Емполи, Венеција и Монца.

 

Standings provided by Sofascore