Барса се „прошета“ во Загреб, Пик Сегед го победи ПСЖ!

25 септември 2025 - 20:25

Барселона со убедливи 32-25 го совлада Загреб на негов терен, падна и ПСЖ кој со 31-29 беше поразен на гостувањето кај Пик Сегед во мечевите од групата во која е и Пелистер во Лигата на шампионите.

Загреб беше рамноправен само во првите минути од средбата, потоа Барселона почна да се одлепува. На полувремето резултатот беше 17-12 за каталонците. Неколкупати во текот на вториот дел Барса водеше и со десет голови разлика, на крајот славеше со 32-25.

Одличен натпревар одигра Пик Сегед кој славеше над големиот ПСЖ. Овој меч беше неизвесен во целиот тек, а победникот беше одлучен во самиот финиш. Беше 28-28, до крајот домаќините направија серија од 3-1 и дојдоа до победа од 31-29.

Во меч од другата група, Фуксе Берлин славеше гостинска победа кај Кјелце од 37-32.