Алкалоид ја почувствува „Сунел Арената“ - момците на Лазаров подготвени за историското финале! (ФОТО)

17 мај 2025 - 17:25

Ракометарите на РК Алкалоид го одработија официјалниот тренинг во салата на АЕК Атина, каде што утре ќе го играат првиот натпревар од историското прво европско финале во историјата на клубот во рамки од ЕХФ Европскиот Куп.

Македонскиот претставник ќе се соочи со силниот грчки тим на „Сунел Арена“ во Атина, а средбата започнува во 18:00 часот.

Избраниците на Лазаров се максимално мотивирани во натпреварот утре да обезбедат позитивен резултат за реваншот во Скопје кој е на програмата наредната недела.

Утрешниот натпревар ќе може да се проследи во директен пренос на МРТВ.