Баерн го истрола Реал и на социјалните мрежи и тоа со познатата реченица за „Бернабе“ (ФОТО)

Синоќа на домашен терен го комплетираше големиот триумф и пласманот во полуфиналето од елитното европско натпреварување, а тоа знаеше да го одбележи и на социјалните мрежи.

„90 минути на Алијанц арената е долго време“, напиша администраторот на Баерн, алудирајќи на познатото мото за „Сантијаго Бернабе“.

Со таа реченица навивачите и легендите на Реал најчесто ги плашат своите ривали иако последните години стадионот во Мадрид не е таков бастион како порано. Лани таму славеше Арсенал, годинава Баерн, а и во шпанското првенството, бодовите ги однесоа Гетафе и Селта.

Втората алузија е тоа што двата гола за пласман во полуфиналето, Баерн ги постигна во последните минути од мечот што значи дека Реал не издржал да се одбрани на Алијанц арената.