Алкалоид го осигура првото засилување за вториот дел од сезоната - од Битола!

Тој во „Автокоманда“ доаѓа од редовите на Пелистер 2, тим кој заврши без пораз во есенскиот дел од Првата лига. Ивановски мина две ипол сезони во Битола, а претходно настапуваше за РК Охрид и од него се очекува да внесе дополнителна конкуренција на позицијата среден бек. Таму веќе настапуваат македонските репрезентативци Игор Ѓорѓиев и Марко Митев.

Новиот „фармацевт“ досега беше дел од поширокиот список на македонската ракометна репрезентација, што дополнително говори за неговиот квалитет и потенцијал. Алкалоид по првата половина од сезоната е на врвот на табелата со 30 бодови, два повеќе од конкурентите Вардар и Пелистер.