Алкалоид го надигра Пролет за петти триумф по ред во Суперлигата

18 октомври 2025 - 21:27

Ракометарите на Алкалоид конечно влегоа во совршен ритам и ја запишаа петтата победа по ред во Суперлигата, откако вечерва го надиграа Пролет со 29-20.

Екипата од Автокоманда беше одлична од почетокот на натпреварот и го доби првото полувреме со убедливи 17-10.

Пролет во вториот дел не успеа да одговори на фаворитот, а Алкалоид го искористи тоа за дополнително да ја зголеми предноста до конечни 29-20.

Тордарсон и Ненад Костески постигнаа по седум голови за Алкалоид, додека Мишевски запиша пет погодоци за Пролет.