Синер го прегази Алкараз и го освои турнирот „Шест кралеви“

18 октомври 2025 - 22:02

Италијанскиот тенисер Јаник Синер беше разигран против најголемиот ривал во моментов, Карлос Алкараз и го совлада со 2-0 во сетови, односно 6-2 и 6-4 за триумф на турнирот „Шест кралеви“, со што освои шест милиони долари.

Синер беше одличен во првиот сет, а Алкараз ги загуби првиот и петтиот гем на свој сервис за да може Италијанецот да слави со 6-2.

Алкараз се соочи со проблеми и во петтиот гем на вториот сервис, кога Синер пропушти дури пет брејк-топки, но затоа во седмиот гем направи брејк и тоа му беше доволно за да стигне до 6-4.

Наградниот фонд на турнирот изнесуваше 13,5 милиони долари, па така за сите учесници беа резервирани богати награди.

Фото: EPA