Интер го освои Рим и го презема тронот во Серија А (ВИДЕО)

18 октомври 2025 - 22:41

Дербито на „Олимпико“ меѓу Рома и Интер заврши со победа на гостите од Милано од 1-0, а тоа ги однесе „нераѕурите“ до врвот во Серија А поради подобра гол-разлика од ривалите.

Единствениот гол на натпреварот го постигна Бони во шестата минута од мечот, по одличната асистенција на Николо Барела.

Рома во второто полувреме ја контролираше играта и се закани дури 11 пати кон голот на гостите од Милано, меѓутоа не успеа да ја затресе мрежата и да се спаси од пораз.

Интер има 15 бодови, колку Наполи и Рома, но има подобра гол-разлика од нив (+10).