Адам Пити е нов светски рекордер на 100 метри градно (ВИДЕО)

21 јули 2019 - 15:39

Британецот Адам Пити (24) стана првиот пливач во историјата кој успеал да исплива 100 метри градно за време под 57 секунди. Со овој резултат тој постави нов светски рекорд на оваа делница.

Времето кое го исплива во полуфиналето на Светското првенство во Гванжу е 56.88 секунди. Со тоа го подобри сопствениот рекорд поставен минатата година во Шкотска, кој изнесуваше 57.10 секунди.

Чувството е неверојатно, изјави Пити по трката.  

Пити е и актуелен олимписки шампион и е непоразен на оваа делница во последниве пет години.