Дени Илиев добива конкуренција: Арсенал потпиша со „вундеркид“ од Естонија!

23 мај 2018 - 10:58

Арсенал го објави првото засилување за ова лето и, нормално, тоа не е некоја ѕвезда, туку спротивното, млад фудбалер, кој треба да биде инвестиција за иднината. Она што нѐ засега нас е фактот дека ова момче е многу талентиран голман, и за некоја година може да му биде конкуренција на Дени Илиев.

Карл Јакоб Хајн од Естонија има 16 години, но англиските медиуми веќе го претставија како „чудо од дете“ и голман со блескава иднина. Досега бранел во Номе Јунајтед, а сега ќе игра за тимот до 18 години на Арсенал. 

Потпишал едногодишен договор за стипендија во Лондон и уште три години погоа професионален договор. Нашиот Дејан Илиев има договор со Арсенал до крајот на јуни оваа година, сепак неодамна самиот даде изјава дека треба да го продолжи со траење до 2020.

Арсенал со ова покажува дека ќе ја продолжи стратегијата да вложува во млади таленти, а аргумент за тоа е и односот со новиот тренер Унаи Емери. Тој нема одлучувачко право во трансферите и за тоа е задолжен Свен Мислинтат, кој дојде од Борусија Дортмунд токму со таа задача.