Без победа и против Мароко: Уште еден пораз за младинците на Светското првенство

23 јуни 2025 - 13:28

Македонската младинска репрезентација по трите порази во групната фаза од Светското првенство, претрпе пораз и на стартот од разигрувањето против Мароко со 30-26.

Избраниците на Раде Стојановиќ од почетокот на натпревар беа конкурентни, но речиси постојатно бевме во негатива од 2-3 гола разлика и никако не успевавме да го наметнеме нашето темпо.

Таа предност Мароко ја одржуваше во најголем дел од средбата, а во завршницата Мароканците поведоа и со пет гола разлика (27-22), па во тие моменти победникот на натпреварот веќе беше одлучен.

Во следниот натпревар кој е на програмата утре од 14:00 часот, 'ќе ги одмериме силите со Мексико. Македонија во Президент Купот игра за место од 17 до 32 позиција.