Нестварно: Повеќе од 20.000 Босанци пееја песна од Халид Бешлиќ – на стадион во САД (ВИДЕО)

07 јуни 2026 - 11:08

Фудбалската репрезентација на Босна и Херцеговина доживеа еуфоричен пречек во Сент Луис, градот во американската сојузна држава Мисури кој со години е познат како „мала Босна“, благодарение на бројната дијаспора.

Улиците беа преполни со знамиња, а целиот град живееше во ритамот на националниот тим пред претстојниот настап на СП 2026. Навивачите во голем број ги исполнија трибините на стадионот „Сити Парк“, создавајќи атмосфера каква ретко се гледа на пријателски натпревари. Кулминацијата на вечерта се случи непосредно пред почетокот на дуелот со Панама, кога од звучниците на стадионот одекна хит на легендарниот пејач Халид Бешлиќ. Во тој момент, околу 20.000 навивачи на БиХ со подигнати шалови и знамиња ја испеаја песната во еден глас, создавајќи сцена на вистински делириум.

Организаторскиот потег и реакцијата на публиката оставија силен впечаток кај присутните, уште еднаш покажувајќи ја длабоката врска на дијаспората со татковината. Според извештаите, сцените биле емотивни и импресивни и за гледачите на трибините и за оние пред малите екрани. Овој натпревар претставува важна увертира за БиХ пред настапот на Мундијалот, каде што селекцијата ќе има сериозни предизвици во групната фаза против Канада, Швајцарија и Катар.