УЕФА демантира: Звезда не била казнета поради православната кореографија!

31 март 2026 - 17:22

Во изминатите денови во медиумите во регионот една од главните теми беше казната која Црвена звезда ја заработи од УЕФА поради наводно православната кореографија на која беше прикажан светецот Симеон, а сега се огласи и Европската куќа на фудбалот.

Навивачите на српскиот гигант беа бесни и ја окарактеризираа УЕФА како лицемерна и антихристијанска, меѓутоа од таму сега демантираа и порачаа дека ниту една од казните не се однесува на споменатата кореографија.

Казните за Звезда се за блокирање на скалите на трибините (28.000 евра), користење пиротехнички средства (17.000 евра) и фрлање предмети на теренот (10.000 евра), како и поради пораки кои го нарушуваат угледот на самата организација (400.000 евра).

Таа парола нема врска со кореографијата на „Делии“ туку со трансапарентот „F*uck UEFA“ кој беше истакнат на „Рајко Митиќ“.

Ќе потсетиме, Звезда тој натпревар го загуби со 2-0 и на тој начин ја заврши својата европска епизода.