Само бод и со Молдавија за фудбалерите до 19 години

31 март 2026 - 19:52

Македонската фудбалска репрезентација до 19 години без победа го заврши настапот на квалификацискиот турнир за Европското првенство во Холандија откако денеска ремизиравме со Молдавија (1-1).

Молдавија на денешниот натпревар прва дојде до водство со голот на Росча по 20-тина минути игра и тој беше единствениот погодок во првиот дел.

Бодот за Македонија го обезбеди Танчев кој стрелаше по асистенцијата на Мрмачовски во 55-тата минута.

На претходните два натпревари избраниците на Капинковски беа поразени убедливо од домаќинот Холандија со 4-0 и ремизираа без голови со Фарски Острови. Во групата завршуваме како третопласирани со два бода пред Фарски Острови.