Бугаринот Димитров експресно „растурен“ уште на стартот од Австралија опен!

20 јануари 2026 - 12:11

Некогаш третиот светски рекет, Бугаринот Григор Димитров, уште во првото коло го заврши настапот на Австралијан опен, откако беше поразен од фаворизираниот Томаш Махач (4-6, 4-6, 3-6).

Чешкиот тенисер, кој моментално е 24-ти на АТП-листата, рутински ја контролираше средбата и за само еден час и 47 минути обезбеди пласман во следната рунда. Димитров имаше своја шанса на стартот од вториот сет, кога пропушти три последователни брејк-топки, што Махач веднаш го казни и ја задржа контролата над мечот. Највозбудлив беше третиот сет, во кој речиси секој гем носеше брејк можност. Клучниот момент повторно му припадна на Махач, кој прв ја искористи шансата и со сигурна реализација на брејк-топките го приведе мечот кон крај.

Во второто коло, Махач ќе се соочи со победникот од дуелот меѓу Стефанос Циципас и Шитаро Мочизуки. Пласман понатаму обезбеди и Тејлор Фриц, кој по повеќе од три часа борба го совлада Валентан Роје (7-6, 5-7, 6-1, 6-3). Американецот веќе го дозна и следниот противник – Вит Копржива, кој претходно го елиминираше Јан-Ленард Штруф.